Туриннинг «Ювентус» клубини мағлуб этган «Фиорентина», жорий мавсумнинг биринчи ярми жуда оғир кечганига қарамай, кейинги мавсум учун А Сериядаги ўрнини нақд қилди. Бундан Эдин Жеко жуда мамнун ва босниялик ҳужумчи ўзининг собиқ клубини мавсумни нисбатан муваффақиятли якунлагани билан табриклади.
«Мавсум боши улар учун жуда мураккаб бўлди. «Фиорентина» жон сақлаб қолганидан хурсандман. Флоренцияда вақтим жуда яхши ўтган, мен бу клуб учун қайғураман», — дея Жеконинг сўзларидан иқтибос келтиради derbyderbyderby.it.
Эслатиб ўтамиз, айни дамда босниялик футболчи Германия футболининг юқори дивизионига триумф билан қайтаётган «Шальке» жамоасида тўп сурмоқда.
