«Аякс» навбатдаги ўйинларини «Волендам» клуби стадионида ўтказади. «Йохан Кройфф Арена»да инглиз хонандаси Харри Стайлснинг концертлари режалаштирилгани сабабли, амстердамликлар ўз ўйинлари учун бошқа жой излашларига тўғри келди.

Нидерландия чемпионатини бешинчи ўринда якунлаган Оскар Гарсия жамоаси Конференциялар лигаси йўлланмаси учун плей-офф босқичида иштирок этади. Ярим финалда уларга «Гронинген» рақиблик қилади. Агар «Аякс» финалга чиқадиган бўлса, ҳал қилувчи баҳс ҳам Волендамда бўлиб ўтади. Бу ўйин мезбонлар («Волендам») ва «Виллем II» ўртасидаги лигада жон сақлаб қолиш учун кечадиган плей-офф финалидан атиги бир кун кейин ўтказилади.

Шундай қилиб, «Крас» стадиони 4 кун ичида 3 та расмий учрашувни қабул қилиши мумкин. «Волендам» бош директори арена бундай юкламага тайёр эканлигини аллақачон тасдиқлади.