Бразилия терма жамоаси устози Карло Анчелотти жаҳон чемпионати учун қайдномани эълон қилгач, бўлажак турнир ҳақида ўз фикрларини билдирди.
«Менинг таркибим идеал эмас. Мен буни тушунаман. Идеал жамоа жаҳон чемпионатида ғолиб чиқмайди. Унда энг бардошли жамоа зафар қучади. Биз энг бардошли жамоа бўлишни истаймиз. Жаҳон чемпионатида ғолиб чиқишимиз мумкинлигини айтишдан қўрқмайман. Қўрқмайман!» — деди Анчелотти матбуот анжуманида.
Маълумот учун, Бразилия терма жамоаси ўз тарихида беш марта жаҳон чемпиони бўлган. Охирги марта бу воқеа 2002 йилги мундиалда юз берган. ЖЧ-2026 гуруҳ босқичида Бразилияга Марокаш, Гаити ва Шотландия терма жамоалари рақиблик қилади.
