«Манчестер Сити» клуби АПЛ 37-тури доирасида сафарда «Борнмут» билан дуранг ўйнади — 1:1.

Учрашувнинг 39-дақиқасида мезбонлар ҳужумчиси Эли Жуниор Крупи ҳисобни очган бўлса, меҳмонлар форварди Эрлинг Холанд 90+5-дақиқада мувозанатни тиклашга муваффақ бўлди.

«Манчестер Сити»нинг ушбу баҳсда очко йўқотиши «Арсенал»га муддатидан олдин Англия чемпиони бўлиш имконини тақдим этди. Мавсум якунишига бир тур қолганда «канонирлар» 82 очко билан турнир жадвалида пешқадамлик қилмоқда ва Хосеп Гвардиола жамоасини 4 очкога ортда қолдирмоқда. Шу тариқа, «Арсенал» 2003/04 йилги мавсумдан буён илк бор Англия чемпионатида ғолиб чиқди.

«Манчестер Сити» эса Премьер-лиганинг кумуш медалри соҳибига айланди — турнир жадвалида учинчи ўринда бораётган «Манчестер Юнайтед» «шаҳарликлар»дан 10 очко ортда қолмоқда ва қолган баҳсларда уларга етиб олиш имкониятига эга эмас.

Эслатиб ўтамиз, душанба, 18 май куни 2016 йилнинг июль ойидан буён «Манчестер Сити»ни бошқариб келаётган Хосеп Гвардиоланинг 2025/26 йилги мавсум якунида жамоани тарк этиши ҳақида маълумотлар тарқалган эди.

«БОРНМУТ» — «МАНЧЕСТЕР СИТИ» — 1:1

Голлар: Крупи 39 (1:0), Холанд 90 (1:1).

«Борнмут»: Петрович, Трюффер, Сенеси (Кук, 90), Хилл, Смит, Адамс, Скотт, Таверньер, Крупи (Клюйверт, 76), Райан (Брукс, 84), Эванилсон (Энес Юнал, 90).

«Манчестер Сити»: Доннарумма, О`Райли, Гехи, Ҳусанов, Матеуш Нунеш, Родри, Доку (Мармуш, 76), Ковачич (Фоден, 56), Бернарду Силва (Шерки, 56), Семеньо (Савио, 56), Холанн.

Огоҳлантиришлар: Адамс (37), Хилл (59), Клюйверт (90) — Родри (90).