Tuttosport газетаси Transfermarkt портали билан ҳамкорликда йилнинг энг яхши ёш футболчисига бериладиган «Golden Boy» соврини учун ҳозирги пайтдаги фаворитлар рейтингини тузиб чиқди. Маълумот учун, ушбу мукофотга айнан Италиянинг мазкур нашри асос солган.
Рўйхатдан 100 нафар футболчи жой олди. Биринчи ўринни «Барселона» вингери Ламин Ямал эгаллади, бироқ у 2024 йилда ушбу совринни қўлга киритиб бўлгани сабабли, қоидаларга кўра унга қайта даъвогарлик қила олмайди. Таъкидланишича, бу соврин учун номзодларнинг якуний рўйхати эмас, балки айни дамдаги фаворитларнинг рейтинги ҳисобланади.
Кучли ўнлик қуйидагича кўринишга эга:
-
Ламин Ямал («Барселона») (2024 йилдаги ғалабаси сабабли совринни юта олмайди);
-
Уоррен Заир-Эмери («ПСЖ»);
-
Пау Кубарси («Барселона»);
-
Ян Диоманде («Лейпциг»);
-
Эстевао («Челси»);
-
Айюб Буадди («Лилль»);
-
Леннарт Карл («Бавария»);
-
Виктор Фрохольдт («Порту»);
-
Джоррел Хато («Челси»);
-
Лука Вушкович («Гамбург»).
Рўйхатнинг давомида бошқа таниқли иқтидорлар ҳам жой олган: 11-ўринда Эндрик («Лион», «Реал»дан ижарада), 12-ўринда Витор Рейс («Жирона», «Манчестер Сити»дан ижарада), 13-ўринда Санни Меюлю («ПСЖ»), 16-ўринда Кес Смит (АЗ), 22-ўринда Марк Берналь («Барселона»), 24-ўринда Майлз Льюис-Скелли («Арсенал»), 34-ўринда Джанлука Престианни («Бенфика»), 36-ўринда Франко Мастантуоно («Реал»), 44-ўринда Тьяго Питарч («Реал»), 51-ўринда Мак Доуман («Арсенал»), 67-ўринда Дро Фернандес («ПСЖ») ва 99-ўринда Этан Мбаппе («Лилль») қайд этилган.
