«Челси»нинг собиқ футболчиси Густаво Пойет Хаби Алонсонинг Лондон клуби бош мураббийи лавозимига тайинлангани ҳақида ўз фикрлари билан ўртоқлашди.

«Бу тайинлов менга жуда маъқул келди. Алонсо АПЛни яхши билади. Унинг эртароқ тайинлангани эса ёзги танаффусгача ва кўпчилик футболчилар Жаҳон чемпионатига жўнаб кетишидан олдин жамоа билан танишиб олиш учун яхши имконият бўлди. У «Челси»га қандай ўйин услубини татбиқ этишни ва буни амалга ошириш учун айнан қайси футболчиларни сотиб олиш муҳимлигини тушуниш мақсадида жамоа иштирокидаги учрашувларни кўп кузатганига ишончим комил. «Челси»да жиддий еврокубок мусобақалари бўлмагани сабабли Алонсо бор эътиборини АПЛга қарата олади ва бу у учун шубҳасиз ижобий омил (плюс) бўлади», — деди Пойет.

Эслатиб ўтамиз, Хаби Алонсо «Челси» билан тўрт йиллик шартнома имзолаган.