«Бавария» клубининг собиқ ярим ҳимоячиси Дуглас Коста Пеп Гвардиола ва Карло Анчелоттини ўзаро солиштирди.
«Гвардиола ва Анчелоттининг бир-биридан фарқи шундаки, уларнинг бири энг майда деталларгача тактика билан яшайди, иккинчиси эса жамоани бошқаришда (менежментда) улкан маҳоратга эга.
Агар Италия терма жамоаси у (Гвардиола) билан шартнома имзолаганида, бу жуда ажойиб иш бўларди. Мен учун Пеп — тарихдаги энг яхши мураббий, гарчи терма жамоадаги фаолият клубдагидан фарқ қилса-да. Чунки терма жамоада футболчиларга ўз тактик фалсафангни сингдириш учун у қадар кўп вақтинг бўлмайди», — деди Коста «Diretta» нашрига берган интервьюсида.
