«Bavariya» klubining sobiq yarim himoyachisi Duglas Kosta Pep Gvardiola va Karlo Anchelottini o‘zaro solishtirdi.
«Gvardiola va Anchelottining bir-biridan farqi shundaki, ularning biri eng mayda detallargacha taktika bilan yashaydi, ikkinchisi esa jamoani boshqarishda (menejmentda) ulkan mahoratga ega.
Agar Italiya terma jamoasi u (Gvardiola) bilan shartnoma imzolaganida, bu juda ajoyib ish bo‘lardi. Men uchun Pep — tarixdagi eng yaxshi murabbiy, garchi terma jamoadagi faoliyat klubdagidan farq qilsa-da. Chunki terma jamoada futbolchilarga o‘z taktik falsafangni singdirish uchun u qadar ko‘p vaqting bo‘lmaydi», — dedi Kosta «Diretta» nashriga bergan intervyusida.
