«Ан-Наср» ҳужумчиси Криштиану Роналду узоқ йиллардан бери илк бор мамлакат чемпионига айланди.
41 ёшли футболчи Саудия Арабистони лигасининг «Дамак»ка қарши кечган «олтин» ўйинида (4:1) дубль қайд этиб, жамоасининг биринчи ўринда маррага етиб келишига ёрдам берди. Юлдузли форвард учун бу 2020 йилдан буён чемпионатлардаги илк ғалаба ҳисобланади. Бундан олти йил аввал у «Ювентус» билан А Серияда чемпионликни нишонлаган эди.
Роналду 2021 йилда «кекса синьора» сафини тарк этиб, «Манчестер Юнайтед»га қайтганди, Саудия Арабистонига эса 2023 йилнинг бошида кўчиб ўтганди. «Олтин тўп»нинг беш карра соҳиби бўлмиш футболчининг «Ан-Наср» билан амалдаги шартномаси 2027 йилнинг ўрталаригача мўлжалланган.
