«An-Nasr» hujumchisi Krishtianu Ronaldu uzoq yillardan beri ilk bor mamlakat chempioniga aylandi.

41 yoshli futbolchi Saudiya Arabistoni ligasining «Damak»ka qarshi kechgan «oltin» o‘yinida (4:1) dubl qayd etib, jamoasining birinchi o‘rinda marraga yetib kelishiga yordam berdi. Yulduzli forvard uchun bu 2020 yildan buyon chempionatlardagi ilk g‘alaba hisoblanadi. Bundan olti yil avval u «Yuventus» bilan A Seriyada chempionlikni nishonlagan edi.

Ronaldu 2021 yilda «keksa sinyora» safini tark etib, «Manchester Yunayted»ga qaytgandi, Saudiya Arabistoniga esa 2023 yilning boshida ko‘chib o‘tgandi. «Oltin to‘p»ning besh karra sohibi bo‘lmish futbolchining «An-Nasr» bilan amaldagi shartnomasi 2027 yilning o‘rtalarigacha mo‘ljallangan.