«Барселона» бош мураббийи Ханс-Дитер Флик «Манчестер Сити» устози Хосеп Гвардиола ҳақида ўз фикрларини билдирди. Бугун, 22 май куни «шаҳарликлар» испаниялик мутахассис 10 йиллик фаолиятидан сўнг мавсум якунида клубни тарк этишини маълум қилишди.
«Гвардиоланинг шундай даражадаги клубда 10 йил ишлаши — бу ақлбовар қилмас натижа. У эришган ютуқлар ҳайратланарли. Ҳатто ишлар унчалик яхши кетмаётган пайтларда ҳам у вазиятдан чиқиб кетиш йўлини доимо билган», — дея Фликнинг сўзларини келтиради Mundo Deportivo.
Флик, шунингдек, «кўк-анорранглилар»ни 10 мавсум давомида бошқариши амримаҳол эканини қўшимча қилди. Гвардиола даврида «Манчестер Сити» 20 та совринни, жумладан, олти марта Англия чемпионлигини қўлга киритди.
