«Ливерпуль» юлдуз ҳужумчиси Муҳаммад Салоҳ мавсум якунида мерсисайдликлар сафини тарк этади ва ўз фаолиятини Италия чемпионатида давом эттириши мумкин.
Football Insider хабарига кўра, А Сериянинг икки клуби — «Милан» ва «Рома» мисрлик ҳужумчига жиддий қизиқиш билдирмоқда.
Салоҳнинг ўзи ҳам Италиядан тушадиган таклифларни кўриб чиқишга тайёр. Унинг А Серияда ўйнаш тажрибаси бор: «Ливерпуль»га ўтишдан аввал у «Рома» ва «Фиорентина» шарафини ҳимоя қилган.
Жорий мавсумда Салоҳ Англия чемпионатида 26 та учрашув ўтказиб, 7 та гол урди ва 6 та голли узатмани амалга оширди.
