Мадриднинг «Реал» клуби ҳужумчиси Килиан Мбаппе яна бир бор Ла Лига тўпурарлар пойгасида ғолиб чиқди. Франциялик футболчи Испания чемпионатининг якунланган мавсумида 25 та гол уриб, «Пичичи» совринини қўлга киритди.

Тўпурарлар рейтингида иккинчи ўринни «Мальорка» аъзоси Ведат Мурики эгаллади — унинг ҳисобида 23 та гол бор. Кучли учликни «Осасуна» футболчиси Анте Будимир якунлаб берди — 17 та гол.

Эслатиб ўтамиз, ўтган мавсумда — Испанияга кўчиб ўтганидан кейинги дебют йилида ҳам Килиан Мбаппе Ла Лига тўпурари бўлган эди, бироқ ўшанда у кўпроқ (31 та гол) уришга муваффақ бўлганди.