Англия Премьер-лигасининг 2026/2027 йилги мавсумида Лондоннинг «Арсенал» клубига фақат Манчестернинг икки жамоаси — «Сити» ва «Юнайтед» рақобат қила олади. «Канонирлар»нинг Англия чемпионлигини қўлга киритганидан сўнг, «Ливерпуль»нинг собиқ ҳужумчиси Майкл Оуэн ўз фикрлари билан ўртоқлашди.
«Менимча, кейинги мавсумда «Арсенал»га фақат Манчестер клублари жиддий рақобат кўрсата олади», — дея экспертнинг сўзларини келтиради Metro нашри.
У «Сити» Хосеп Гвардиола бош мураббийлик лавозимини тарк этганидан кейин ҳам кучли жамоа бўлиб қолишини, «Юнайтед» эса Майкл Каррик тимсолида кучли мураббий топганини таъкидлади.
«Ливерпуль»га келсак, Оуэн мерсисайдликлар ҳам чемпионлик учун курашга қўшилишига умид билдирди, аммо уларни асосий даъвогарлар қаторига киритмади.
