Angliya Premyer-ligasining 2026/2027 yilgi mavsumida Londonning «Arsenal» klubiga faqat Manchesterning ikki jamoasi — «Siti» va «Yunayted» raqobat qila oladi. «Kanonirlar»ning Angliya chempionligini qo‘lga kiritganidan so‘ng, «Liverpul»ning sobiq hujumchisi Maykl Ouen o‘z fikrlari bilan o‘rtoqlashdi.
«Menimcha, keyingi mavsumda «Arsenal»ga faqat Manchester klublari jiddiy raqobat ko‘rsata oladi», — deya ekspertning so‘zlarini keltiradi Metro nashri.
U «Siti» Xosep Gvardiola bosh murabbiylik lavozimini tark etganidan keyin ham kuchli jamoa bo‘lib qolishini, «Yunayted» esa Maykl Karrik timsolida kuchli murabbiy topganini ta’kidladi.
«Liverpul»ga kelsak, Ouen mersisaydliklar ham chempionlik uchun kurashga qo‘shilishiga umid bildirdi, ammo ularni asosiy da’vogarlar qatoriga kiritmadi.
