Мюнхеннинг «Бавария» клуби 2026 йил август ойида Германия Суперкубоги доирасида Дортмунднинг «Боруссия»сига қарши майдонга тушади. Бу Венсан Компани бошчилигидаги жамоа кеча финалда «Штутгарт»ни йирик ҳисобда (3:0) мағлуб этиб, Германия Кубогини қўлга киритганидан сўнг маълум бўлди.
«Бавария» ҳам чемпионат, ҳам мамлакат кубогида ғолиб чиққани сабабли, Суперкубок баҳсида миллий биринчиликда иккинчи ўринни эгаллаган «Боруссия» билан тўқнаш келади. Агар «Штутгарт» Германия Кубогида ғолиб чиққанида, улар Суперкубок учун ўзаро баҳс олиб борган бўларди.
