Myunxenning «Bavariya» klubi 2026 yil avgust oyida Germaniya Superkubogi doirasida Dortmundning «Borussiya»siga qarshi maydonga tushadi. Bu Vensan Kompani boshchiligidagi jamoa kecha finalda «Shtutgart»ni yirik hisobda (3:0) mag‘lub etib, Germaniya Kubogini qo‘lga kiritganidan so‘ng ma’lum bo‘ldi.
«Bavariya» ham chempionat, ham mamlakat kubogida g‘olib chiqqani sababli, Superkubok bahsida milliy birinchilikda ikkinchi o‘rinni egallagan «Borussiya» bilan to‘qnash keladi. Agar «Shtutgart» Germaniya Kubogida g‘olib chiqqanida, ular Superkubok uchun o‘zaro bahs olib borgan bo‘lardi.
