«Интер Майами» ҳужумчиси Лионель Месси «Филадельфия»га қарши ўйинда (6:4) иккита голли узатмани амалга оширди ва 73-дақиқада захирага олинди.

38 ёшли аргентиналик юлдуз ўз самарали сериясини 5 та ўйинга етказди (5 та гол ва 7 та голли узатма). У жорий МЛС мавсумида ўтказилган 14 та учрашувда жами 12 та гол урди ва 7 та голли пасга муаллифлик қилди.

Шунингдек, ушбу баҳсда «Интер Майами»нинг яна бир тажрибали ҳужумчиси Луис Суарес хет-трик қайд этди ва жамоасининг ғалабасига муҳим ҳисса қўшди. 39 ёшли уругвайлик футболчи МЛС жорий мавсумида 10 та ўйинда майдонга тушиб, 6 та гол ва 1 та голли узатмага эришди.