АҚШнинг «Лос-Анжелес» клуби ва Жанубий Корея терма жамоаси ҳужумчиси Сон Хын Мин ЖЧ-2026 ҳақидаги фикрларини билдирди.
— Тўртинчи бор Жаҳон чемпионатига йўл олиш қандай туйғу?
— Биринчи навбатда, болаликдаги орзим ҳақида ўйлайман. Мен томоша қилган илк мундиал — ЖЧ-1998 бўлган, лекин уни унчалик яхши эслай олмайман. Мен ҳақиқий ҳис қилган биринчи Жаҳон чемпионати эса ЖЧ-2002 эди. Ҳамиша футболчи бўлишни ва мана шундай буюк футбол байрамида қатнашишни орзу қилардим. Ҳозир бу футболчи сифатида қатнашадиган тўртинчи мундиалим ва орзумни амалга ошириш учун яна бир бор имконият берилганини катта шараф деб биламан.
— Сиз ўтган йилдан бери «Лос-Анжелес»да ўйнаяпсиз. Жаҳон чемпионатига мезбонлик қиладиган давлатда ўйнаш қандай экан?
— Бу ерга кўчиб ўтишимнинг асосий сабаби ҳам айнан Жаҳон чемпионати бўлган. Мен жуда ҳаяжондаман ва яна бир ажойиб турнирни ўтказишни истайман. Агар ўйинларимиз Лос-Анжелесда бўлиб ўтса, бу янада зўр бўларди. Клубга ўтганимда, у ерда яшовчи корейс диаспораси ва одамларга қувонч улашишдан бахтиёр эдим. Улар мени корейс ва терма жамоа аъзоси эканимдан фахрланишга мажбур қилишади. Бу мен учун жуда муҳим ва ҳамиша боримни беришга тайёрман. Шунинг учун доим қўлимдан келганини қиламан ва майдонда табассум билан ҳаракат қиламан, — деди Сон ФИФА расмий сайтига.
