AQSHning «Los-Anjeles» klubi va Janubiy Koreya terma jamoasi hujumchisi Son Xin Min JCH-2026 haqidagi fikrlarini bildirdi.

— To‘rtinchi bor Jahon chempionatiga yo‘l olish qanday tuyg‘u?

— Birinchi navbatda, bolalikdagi orzim haqida o‘ylayman. Men tomosha qilgan ilk mundial — JCH-1998 bo‘lgan, lekin uni unchalik yaxshi eslay olmayman. Men haqiqiy his qilgan birinchi Jahon chempionati esa JCH-2002 edi. Hamisha futbolchi bo‘lishni va mana shunday buyuk futbol bayramida qatnashishni orzu qilardim. Hozir bu futbolchi sifatida qatnashadigan to‘rtinchi mundialim va orzumni amalga oshirish uchun yana bir bor imkoniyat berilganini katta sharaf deb bilaman.

— Siz o‘tgan yildan beri «Los-Anjeles»da o‘ynayapsiz. Jahon chempionatiga mezbonlik qiladigan davlatda o‘ynash qanday ekan?

— Bu yerga ko‘chib o‘tishimning asosiy sababi ham aynan Jahon chempionati bo‘lgan. Men juda hayajondaman va yana bir ajoyib turnirni o‘tkazishni istayman. Agar o‘yinlarimiz Los-Anjelesda bo‘lib o‘tsa, bu yanada zo‘r bo‘lardi. Klubga o‘tganimda, u yerda yashovchi koreys diasporasi va odamlarga quvonch ulashishdan baxtiyor edim. Ular meni koreys va terma jamoa a’zosi ekanimdan faxrlanishga majbur qilishadi. Bu men uchun juda muhim va hamisha borimni berishga tayyorman. Shuning uchun doim qo‘limdan kelganini qilaman va maydonda tabassum bilan harakat qilaman, — dedi Son FIFA rasmiy saytiga.