Мюнхеннинг «Бавария» клуби ва Колумбия терма жамоаси ярим ҳимоячиси Луис Диас 2026 йилги Жаҳон чемпионати учун қайдномага киритилганидан кейин ўз ҳиссиётлари билан ўртоқлашди.
«Аввало, Яратганга шукроналар айтаман. Қачонлардир ўз ҳовлисида орзулар оғушида юрган болакай, бугун ҳаётидаги энг катта мақсадларидан бири — Жаҳон чемпионатига йўл олаётганига гувоҳ бўлмоқда. Ватаним шарафини ҳимоя қилишдан туяётган фахр ва бахтимни таърифлашга сўз ожиз. Бу ҳақда болалигимдан бери орзу қилардим ва бу йўлда бор меҳрим билан ҳаракат қилдим.
Оиламга, доимо ёнимда бўлганларга, йўлимнинг бошида менга ишонганларга ва ҳар бир қадамимни қўллаб-қувватлаган Худога миннатдорчилик билдираман. Энди олдинда фақат бир мақсад қолди: ушбу либос, мамлакатим ва биз билан бирга орзу қилаётган миллионлаб колумбияликлар учун бор кучимни бериш. Мендан фақат фидойилик, самимият ва охиригача курашишни кутинг, чунки бу ранглар учун сўнгги дақиқагача югуриш, жанг қилиш ва жон куйдириш керак. Олға, Колумбия!», деди футболчи.
2026 йилги Жаҳон чемпионатида Колумбия терма жамоаси «К» гуруҳида Португалия, Конго ДР ва Ўзбекистон жамоалари билан куч синашади. Турнир 11 июндан 19 июлга қадар АҚШ, Канада ва Мексика майдонларида бўлиб ўтади.
