Мадриднинг «Атлетико» клуби ва Аргентина терма жамоаси ҳужумчиси Хулиан Альварес 2026 йилги жаҳон чемпионатида миллий жамоа олдига қўйилган мақсад ҳақида тўхталди.
— Аргентинанинг мақсади нима?
— Аргентиналик сифатида мен доимо ҳаяжон ҳис қиламан ва ҳар доим чемпион бўлишни истайман. Бу сафар ҳам худди шундай бўлиши керак. Биз финалга чиқмоқчимиз. Бу осон бўлмаслигини биламиз; биздан катта куч талаб этилади ва натижа кичик деталларга боғлиқ бўлиши мумкин, лекин биз иложи борича яхши тайёргарлик кўрамиз ва босқичма-босқич олдинга ҳаракат қиламиз.
Ушбу жаҳон чемпионатига амалдаги чемпион сифатида ташриф буюриш — бу шунчаки ақл бовар қилмайдиган туйғу. Мен бундан фахрланаман. Албатта, биз кубокни ўзимизда сақлаб қолмоқчимиз ва мухлисларимизни яна бир бор қувончдан сакрашга мажбур қилмоқчимиз, — дея Альвареснинг сўзларини келтиради ФИФА расмий сайти.
