«Арсенал»нинг собиқ ярим ҳимоячиси Патрик Виейра ўз собиқ жамоаси Чемпионлар лигаси финалида «ПСЖ»ни енга олишига қатъий ишонмоқда.
«Мен доимо «Арсенал»ни Европада «Пари Сен-Жермен»ни мағлуб этишга қодир бўлган ягона жамоа деб ҳисоблаганман. «Арсенал» жуда яхши ҳимояланишни билади. Бу ҳимояланишни ёқтирадиган ва хоҳлайдиган ҳамда бу ишни узоқ вақт давомида уддалай оладиган жамоадир.
Кварацхелия-Дембеле-Дуэ ҳужум учлиги ўта тезкорлиги билан ажралиб туради, бироқ «Арсенал» — «бирга-бир» вазиятларда жуда кучли жамоа. Уларнинг ҳимоячилари чаққон ва агрессив, энг муҳими эса — «Арсенал» стандарт вазиятларни ижро этишда «ПСЖ»га кўплаб муаммолар туғдира олади», — деди Виейра L'Equipe нашрига берган интервьюсида.
