«Барселона» вингери Руни Барджи ёзги трансфер ойнасида жамоани тарк этиши мумкин бўлган номзодлардан бири бўлиб турибди.

Бош мураббий Ханс-Дитер Флик швециялик футболчига Ламин Ямаль билан рақобат туфайли асосий таркибдан жой олиши қийин бўлишини айтган. Мураббий 20 ёшли футболчининг машғулотлардаги ҳаракатларидан мамнун бўлса-да, мавсум охирида жароҳат олган Ямаль ўрнини босган Барджидан кўпроғини кутган эди.

Рунининг ўзи доимий ўйин амалиёти йўқлигидан норози ва агентидан ижара вариантларини кўриб чиқишни сўраган. Бироқ «Барселона» қўшимча маблағ ишлаб олиш мақсадида футболчини тўлиқ сотиб юборишни ҳам истисно қилмаяпти.

Шунга қарамай, каталонияликлар футболчининг салоҳиятига ишонишади. Шу сабабли, агар трансфер амалга ошса, шартномага футболчини қайта сотиб олиш ҳуқуқини берувчи банд киритилиши таъкидланмоқда.