«Barselona» vingeri Runi Bardji yozgi transfer oynasida jamoani tark etishi mumkin bo‘lgan nomzodlardan biri bo‘lib turibdi.

Bosh murabbiy Xans-Diter Flik shvesiyalik futbolchiga Lamin Yamal bilan raqobat tufayli asosiy tarkibdan joy olishi qiyin bo‘lishini aytgan. Murabbiy 20 yoshli futbolchining mashg‘ulotlardagi harakatlaridan mamnun bo‘lsa-da, mavsum oxirida jarohat olgan Yamal o‘rnini bosgan Bardjidan ko‘prog‘ini kutgan edi.

Runining o‘zi doimiy o‘yin amaliyoti yo‘qligidan norozi va agentidan ijara variantlarini ko‘rib chiqishni so‘ragan. Biroq «Barselona» qo‘shimcha mablag‘ ishlab olish maqsadida futbolchini to‘liq sotib yuborishni ham istisno qilmayapti.

Shunga qaramay, kataloniyaliklar futbolchining salohiyatiga ishonishadi. Shu sababli, agar transfer amalga oshsa, shartnomaga futbolchini qayta sotib olish huquqini beruvchi band kiritilishi ta’kidlanmoqda.