«Ньюкасл Юнайтед» бош мураббийи Эдди Хау ҳужумчи Энтони Гордоннинг «Барселона»га трансфери ҳақида гапирди. ОАВ маълумотларига кўра, инглиз клуби ушбу ўтиш учун 80 миллион еврогача маблағ олиши мумкин.

«Энтонини йўқотганимиздан хафа бўлсак-да, бу унинг учун катта имконият эканлигини тушунамиз. У сўнгги йиллардаги муваффақиятларимизнинг муҳим қисми бўлди. «Ньюкасл»да ўйнаб юрган вақтида Англия терма жамоаси аъзосига айлангани унинг ривожланиши йўлида қилган меҳнатлари ва клубдагиларнинг қўллаб-қувватлаши натижасидир.

У бизнинг энг эзгу тилакларимиз билан кетмоқда. Ишончим комилки, у «Барселона»да ҳам, бу йилги Жаҳон чемпионатида терма жамоа сафида ҳам муваффақиятларга эришади», — деди Хау клуб расмий сайтига.

Мавсум якунларига кўра, Гордон «Ньюкасл» сафида барча турнирларда 46 та ўйинда майдонга тушиб, 17 та гол ва 5 та голли узатмага муаллифлик қилди. Transfermarkt портали футболчининг қийматини 60 миллион еврога баҳоламоқда.