Кай Хаверц Чемпионлар лигаси финалларида турли жамоалар сафида гол урган учинчи футболчига айланди.
Германиялик футболчи "ПСЖ"га қарши кечаётган баҳсда "Арсенал"нинг асосий таркибида майдонга тушди ва 6-дақиқадаёқ ҳисобни очди. У 2021 йилда "Манчестер Сити" дарвозасини ишғол қилиб, "Челси"га турнирдаги ғалабани тақдим этганди.
Хавертцга қадар иккита финалда турли клублар сафида гол уриш Криштиану Роналду ("Реал" ва "Манчестер Юнайтед") ҳамда Марио Манджукич ("Ювентус" ва "Бавария") га насиб этганди.













