«ПСЖ» кетма-кет иккинчи йил Чемпионлар лигасида зафар қучди. Турнир финалида Луис Энрике жамоаси «Арсенал»дан устун келди. Парижликлар 1:1 ҳисобидаги дурангдан сўнг пенальтилар сериясида лондонликлар устидан ғалаба қозонишди.

Ўйин якунлангач, «ПСЖ» ҳужумчиси Усман Дембеле ўз фикрлари билан ўртоқлашди.

«Биз бу натижага кетма-кет иккинчи йил эришиш учун ушбу мавсумда жуда қаттиқ меҳнат қилдик! Мавсум оғир кечди, кўп нарсаларни бошдан ўтказишга тўғри келди, лекин биз барибир Чемпионлар лигаси ғолибимиз!» — дея Дембеленинг сўзларини келтиради The Touchline.

Август ойида «ПСЖ»ни УЕФА Суперкубоги учун баҳс кутмоқда. Ушбу соврин учун курашда Луис Энрике жамоасига «Астон Вилла» рақиблик қилади.