Испаниялик мутахассис Луис Энрике Чемпионлар лигасини 3 ва ундан ортиқ марта ютишга муваффақ бўлган мураббийлар доирасига кирди. Бунга 30 май куни Будапештда бўлиб ўтган «ПСЖ» ва «Арсенал» ўртасидаги финал учрашувидан сўнг эришилди. Ўйиннинг асосий ва қўшимча вақтлари дуранг (1:1) билан якунланди, пенальтилар сериясида эса парижликлар 4:3 ҳисобида устун келишди.
Бундан аввал Луис Энрике Чемпионлар лигасида «ПСЖ» билан (ўтган йили) ва «Барселона» билан (2015 йилда) ғолиб чиққан эди. Турнирдаги ғалабалар сони бўйича етакчилик Карло Анчелоттида қолмоқда, у 5 та титулни қўлга киритган (2003 ва 2007 йилларда «Милан» билан, 2014, 2022 ва 2024 йилларда Мадриднинг «Реал»и билан). Ундан кейин 3 та ғалаба билан Боб Пейсли («Ливерпуль» — 1977, 1978, 1981), Зинедин Зидан («Реал» — 2016, 2017, 2018) ва Хосеп Гвардиола (2009, 2011 — «Барселона», 2023 — «Манчестер Сити») бормоқда.
