«Борнмут» ҳужумчиси Эли Жуниор Крупи «Барселона»нинг трансфер мақсадига айланиши мумкин. Марказий ҳужумчи чизиғини кучайтириш пайида бўлган Каталония гранди 19 ёшли футболчини диққат билан кузатиб бормоқда.

Франциялик иқтидорга инглиз грандлари томонидан ҳам қизиқиш борлиги айтилмоқда. «Борнмут» ўз юлдузи билан хайрлашишни истамаяпти, шу сабабли унинг учун тахминан 100 млн евро талаб қилиши мумкин. Transfermarkt портали экспертлари Крупининг бозор қийматини 40 млн еврога баҳоламоқда.

Якунланган мавсумда ҳужумчи Премьер-лигада «Борнмут» сафида 33 та ўйинда майдонга тушиб, 13 та гол уришга муваффақ бўлди. Аввалроқ футболчининг ўзи ҳам «Барселона»да ўйнашни орзу қилиши ҳақида хабарлар тарқалган эди.