Ҳозирда Саудия Арабистонининг «Ан-Наср» клубида тўп тепаётган «Барселона»нинг собиқ футболчиси Иньиго Мартинес ўз интервьюсида собиқ жамоаси ҳақидаги фикрлари билан ўртоқлашди. Тажрибали испаниялик ҳимоячи ўтган ёзда каталонияликлар сафини тарк этган бўлса-да, «кўк-анорранглилар» ҳаётини кузатишда давом этмоқда.
«Мен Педри ва Кубарсини «Барселона» кийиниш хонасида етакчи сифатида кўришни истардим. Педри ҳозирнинг ўзидаёқ катта ҳурматга эга, бироқ мен ҳимоячилар орасида ҳам шундай фигурани кўришни хоҳлайман — бундай ўйинчи мудофаани ташкил қилишни билиши керак. Менимча, Кубарси бу масъулиятни ўз зиммасига олишга қодир», — дея Мартинеснинг сўзларини келтирди Barca Universal.
Якунланган мавсумда Ханс-Дитер Флик бошчилигидаги жамоа Ла Лига ва Испания Суперкубогида ғолиб чиқди.
