Испаниялик ҳимоячи Алехандро Гримальдо ҳозирда Германия Бундеслигасида «Байер» сафида тўп тепмоқда, бироқ у Испания чемпионатига қайтиш истагини яширмайди. Футболчи Испаниянинг «AS» нашрига берган интервьюсида ўз юртидаги бирор топ-клубда ўйнаш истаги борлигини маълум қилди.
«Мен Испаниянинг топ-клубида ўйнашни истардим. Менинг кумирим доимо Месси бўлган. Шунингдек, «Барса»нинг бошқа ўйинчилари — Хави ва Иньеста ҳам», — деди футболчи.
Эслатиб ўтамиз, Гримальдо Леверкузеннинг «Байер» клубида 2023 йилдан буён тўп сурмоқда. У Каталониянинг «Барселона» клуби тарбияланувчиси ҳисобланса-да, «кўк-анорранглилар» сафида эмас, балки Португалиянинг «Бенфика» клубида катта футболга кириб келган.
