Италия терма жамоасининг собиқ ҳимоячиси Алессандро Неста А Сериянинг «Б» дивизионида иштирок этувчи «Авеллино» клубининг янги бош мураббийи этиб тайинланди.
50 ёшли мутахассис ушбу лавозимда Давиде Баллардинининг ўрнини эгаллади. Баллардини бошчилигида жамоа Италия иккинчи дивизионида саккизинчи ўринни эгаллаган эди.
Нестанинг охирги иш жойи «Монца» бўлган ва у 2024/25 йилги мураккаб мавсумдан кейин жамоани тарк этганди (ўша мавсумда жамоа А Сериядан тушиб кетган эди). У мураббийлик фаолияти давомида «Реджана», «Фрозиноне», «Перуджа» ва «Майами» клубларини ҳам бошқарган.
