Сербиялик ҳужумчи Душан Влахович Италияни тарк этади, бунга Туриннинг «Ювентус» клуби спорт директори Жорджо Кьеллинининг ишончи комил.

Унинг сўзларига кўра, бунга форварднинг молиявий талаблари сабаб бўлмоқда — Италия футболида нафақат «Юве», балки бошқа бирор-бир клуб ҳам унинг бу сўровларини қондира олмайди.

«Унинг кетаётганидан жуда хафаман. Охирги сониягача жамоада қолишидан умид қилгандим. У — жиддий инсон. Менимча, у Италиядан кетади, чунки у бу ерда тўланиши имконсиз бўлган маош таклиф қиладиган жой қидирмоқда», — дея Кьеллинининг сўзларидан иқтибос келтиради pianetamilan.it нашри.

Эслатиб ўтамиз, Душан Влахович 2022 йилдан буён Туриннинг «Ювентус» клуби шарафини ҳимоя қилиб келмоқда.