Serbiyalik hujumchi Dushan Vlaxovich Italiyani tark etadi, bunga Turinning «Yuventus» klubi sport direktori Jordjo Kyellinining ishonchi komil.
Uning so‘zlariga ko‘ra, bunga forvardning moliyaviy talablari sabab bo‘lmoqda — Italiya futbolida nafaqat «Yuve», balki boshqa biror-bir klub ham uning bu so‘rovlarini qondira olmaydi.
«Uning ketayotganidan juda xafaman. Oxirgi soniyagacha jamoada qolishidan umid qilgandim. U — jiddiy inson. Menimcha, u Italiyadan ketadi, chunki u bu yerda to‘lanishi imkonsiz bo‘lgan maosh taklif qiladigan joy qidirmoqda», — deya Kyellinining so‘zlaridan iqtibos keltiradi pianetamilan.it nashri.
Eslatib o‘tamiz, Dushan Vlaxovich 2022 yildan buyon Turinning «Yuventus» klubi sharafini himoya qilib kelmoqda.
