«ПСЖ»нинг собиқ ярим ҳимоячиси Клод Макелеле кетма-кет икки марта Чемпионлар лигасида ғолиб чиққанидан сўнг, парижликларни дунёдаги энг буюк клуб деб атади.

30 май куни Луис Энрике шогирдлари финалда «Арсенал»ни пенальтилар сериясида (асосий вақт 1:1, пенальтилар 4:3) мағлубиятга учратди.

«Чемпионлар лигасида кетма-кет икки марта ғалаба қозониш – бу мисли кўрилмаган натижа. Мен жуда хурсандман, чунки энди бу дунёдаги энг буюк клуб. Францияда у ўн йилдан буён шундай мақомда эди.

Мен Франция футболи учун хурсандман ва ўйлайманки, биз «ПСЖ»ни жаҳон аренасида қилаётган ишлари учун янада кўпроқ қўллаб-қувватлашимиз керак», – деди Клод Макелеле «beIN Sports»га берган интервьюсида.