Ярим ҳимоячи Майкл Олисе фаолиятини «Бавария» ёки «Реал»да давом эттиришни ўзи ҳал қилиши керак. Бу ҳақда Франция терма жамоаси бош мураббийи Дидье Дешам маълум қилди.
Мутахассиснинг фикрига кўра, футболчи исталган жамоада ёрқин футбол намойиш этишга қодир. Дешам Мюнхен ёки Мадрид клуби раҳбари ўрнида бўлганида, бундай ўйинчини ўз жамоасига қўшиб олишни орзу қилган бўлишини таъкидлади, дея хабар бермоқда Marca.
2025/2026 йилги мавсумда Олисе 52 та ўйинда майдонга тушиб, 22 та гол урди ва 31 та голли узатмани амалга оширди. 24 ёшли франциялик футболчининг «Бавария» билан амалдаги шартномаси 2029 йилнинг 30 июнига қадар мўлжалланган. Унинг бозор қиймати 150 миллион еврони ташкил этади.
