Португалиялик мутахассис, ҳозирда «Бенфика» жамоасини бошқараётган Жозе Моуринью Мадриднинг «Реал» клуби президентлиги сайловида 79 ёшли Флорентино Переснинг ғалаба қозонганига муносабат билдирди.
«Ҳа, Флорентино Перес ғалаба қилди. Албатта», — деди Моуринью. Унинг сўзларини журналист ва инсайдер Фабрицио Романо ижтимоий тармоқда келтирган.
Перес сайловда испаниялик тадбиркор Энрике Рикельмени ортда қолдирди ва клубни 2030 йилга қадар бошқаришда давом этади. Функционер ушбу лавозимни кетма-кет саккизинчи марта эгаллайди.
Аввалроқ Перес сайловда ғалаба қозонган тақдирда, «Реал» бош мураббийлигига Жозе Моуринью тайинланиши мумкинлиги ҳақида хабарлар тарқалган эди. Шунингдек, қайта сайланган президент Ибраима Конатени «Ливерпуль»дан ҳамда Дензел Думфрисни «Интер»дан жамоага олиб келиш бўйича келишувга эришилганини маълум қилган.













