Нидерландия терма жамоаси нохуш хабарни маълум қилди: ҳимоячи Юррьен Тимбер чов соҳасидаги жароҳатидан сўнг Жаҳон чемпионатида иштирок эта оладиган даражада тиклана олмади. Шифокорлар билан маслаҳатлашувдан сўнг якуний қарорга келинди: Тимбер Ўзбекистонга қарши ўтказиладиган ўртоқлик учрашувидан кейин «оловранглилар» қароргоҳини тарк этади.
Нидерландия терма жамоаси бош мураббийи Рональд Куман Тимбернинг жароҳатидан сўнг таркибга бошқа футболчини жалб этди — жамоага Лютсхарел Гертрюйда етиб келади. У «РБ Лейпциг» футболчиси ҳисобланиб, 2025/2026 йилги мавсумни ижара асосида «Сандерленд» клубида ўтказган эди.
Нидерландия терма жамоаси Жаҳон чемпионатидаги илк ўйинини 14 июнь куни Японияга қарши ўтказади.
