Niderlandiya terma jamoasi noxush xabarni ma’lum qildi: himoyachi Yurryen Timber chov sohasidagi jarohatidan so‘ng Jahon chempionatida ishtirok eta oladigan darajada tiklana olmadi. Shifokorlar bilan maslahatlashuvdan so‘ng yakuniy qarorga kelindi: Timber O‘zbekistonga qarshi o‘tkaziladigan o‘rtoqlik uchrashuvidan keyin «olovranglilar» qarorgohini tark etadi.
Niderlandiya terma jamoasi bosh murabbiyi Ronald Kuman Timberning jarohatidan so‘ng tarkibga boshqa futbolchini jalb etdi — jamoaga Lyutsxarel Gertryuyda yetib keladi. U «RB Leypsig» futbolchisi hisoblanib, 2025/2026 yilgi mavsumni ijara asosida «Sanderlend» klubida o‘tkazgan edi.
Niderlandiya terma jamoasi Jahon chempionatidagi ilk o‘yinini 14 iyun kuni Yaponiyaga qarshi o‘tkazadi.













