«Ньюкасл» «Страсбург»нинг ўнг қанот ҳимоячиси Гела Дуэга қизиқиш билдирмоқда. Бу ҳақда Jeunes Footeux нашри хабар берди.

Киран Триппьер ва Эмиль Крафт жамоани тарк этганидан сўнг, ўнг қанот ҳимояси чизиғини кучайтириш клуб учун устувор вазифалардан бирига айланди. Айни пайтда Эдди Хау ихтиёрида ушбу позицияда фақатгина битта тажрибали футболчи — Тино Ливраменто қолди.

Манбанинг хабарига кўра, «Ньюкасл» «Страсбург»нинг асосий ўйинчиларидан бири бўлган 23 ёшли Дуэни сотиб олиш имкониятларини кўриб чиқмоқда. Франция клуби Кот-д’Ивуар терма жамоаси аъзоси учун камида 29 миллион евро миқдорида таклиф тушса, уни сотишга рози бўлиши мумкин. «Страсбург» раҳбарияти ҳимоячи билан хайрлашишни истамаяпти, бироқ иқтисодий вазият клубни ўз позициясини қайта кўриб чиқишга мажбур қилиши мумкин.

Якунланган мавсумда Дуэ барча турнирларда 34 та ўйинда майдонга тушиб, 2 та гол урди, 7 та голли узатмани амалга оширди ва 7 та сариқ карточка олди.