ЖАР терма жамоаси бош мураббийи Хуго Брос футбол бўйича жаҳон чемпионати учрашувига жамоани олиб тушган тарихдаги энг ёши улуғ мураббийга айланди.
74 ёшли бельгиялик мутахассис Отто Рехагелнинг рекордини янгилади. Рехагель ЖЧ-2010га Греция терма жамоаси бош мураббийи сифатида 71 ёшида ташриф буюрган эди.
ЖЧ-2026 давомида ушбу рекордни яна икки нафар мураббий янгилаши мумкин: Чехия терма жамоасининг 74 ёшли устози Мирослав Коубек Бросдан 7 ойга каттароқ, Кюрасао терма жамоасини эса 78 ёшли Дик Адвокат бошқармоқда.
Пайшанба, 11 июнь куни жанубий африкаликлар ЖЧ-2026нинг очилиш ўйинида Мексикага қарши майдонга тушишди.
