JAR terma jamoasi bosh murabbiyi Xugo Bros futbol bo‘yicha jahon chempionati uchrashuviga jamoani olib tushgan tarixdagi eng yoshi ulug‘ murabbiyga aylandi.
74 yoshli belgiyalik mutaxassis Otto Rexagelning rekordini yangiladi. Rexagel JCH-2010ga Gresiya terma jamoasi bosh murabbiyi sifatida 71 yoshida tashrif buyurgan edi.
JCH-2026 davomida ushbu rekordni yana ikki nafar murabbiy yangilashi mumkin: Chexiya terma jamoasining 74 yoshli ustozi Miroslav Koubek Brosdan 7 oyga kattaroq, Kyurasao terma jamoasini esa 78 yoshli Dik Advokat boshqarmoqda.
Payshanba, 11 iyun kuni janubiy afrikaliklar JCH-2026ning ochilish o‘yinida Meksikaga qarshi maydonga tushishdi.













