Англиялик афсонавий собиқ ярим ҳимоячи Стивен Жеррард жорий йилнинг якунида кимни «Олтин тўп» билан кўришни хоҳлашини айтди.

«Ливерпуль»нинг собиқ футболчиси айни дамда «Бавария»да тўп тепаётган ватандоши Харри Кейнни афзал кўрмоқда.

«Умид қиламанки, бу йил Кейн «Олтин тўп»ни қўлга киритади», — дея Жеррарднинг сўзларини келтиради The Touchline.

32 ёшли ҳужумчи якунланган клуб мавсумида «Бавария» сафида 51 та учрашувда майдонга тушиб, 61 та гол ва 7 та голли узатмани ўз ҳисобига ёздириб қўйди. Мюнхен гранди таркибида англиялик футболчи Бундеслига ва Германия Кубоги ғолибига айланди, Чемпионлар лигасида эса жамоа ярим финалгача етиб борди.