“Манчестер Сити” ярим ҳимоячиси Родри кўплаб миш-мишларга қарамай, Мадриднинг “Реал” клубига ўтмаса керак. “Шаҳарликлар” юлдузининг номи анчадан бери “қироллик клуби” билан боғлаб келинарди ва хавбекнинг ўзи ҳам келажакда бундай сценарий бўлишини инкор этмаслигини тан олган эди.
Cadena SER нашрининг хабар беришича, “Реал”нинг баъзи расмий шахслари Родрини жамоада кўришни хоҳлашган, бироқ Флорентино Перес 29 ёшли испаниялик футболчининг номзодига қарши чиққани сабабли ушбу трансфер амалга ошмайдиган бўлди.
Яқинда Перес Мадрид гранди президентлигига қайта сайланди. Сайловда Переснинг ягона рақиби бўлган Энрике Рикельме Родри билан келишувга эришганини даъво қилганди, аммо футболчининг ўзи бу маълумотни рад этди.
