Мексика терма жамоасининг 40 ёшли дарвозабони Гильермо Очоа Жаҳон чемпионати–2026 даги иштироки борасида ўз фикрларини билдириб ўтди.

«Мен жуда фахрланаман, чунки шундай буюк футболчилар билан бир рўйхатдан жой олдим. Эндиликда мексикалик футболчи Роналду ва Месси билан бир қаторда турганини фахр билан айтиш мумкин», — дея тажрибали посбоннинг сўзларини келтиради Tyc Sports нашри.

Қайд этиш лозимки, Очоа олтита Жаҳон чемпионатида иштирок этган дунёдаги уч нафар футболчидан бирига айланди. У билан бир қаторда жаҳон футболи юлдузлари — аргентиналик Лионель Месси ва португалиялик Криштиану Роналду ҳам ушбу натижани қайд этишган.

Ўз уйида ўтаётган мундиалнинг илк учрашувида Мексика терма жамоаси Жанубий Африка Республикаси (ЖАР) устидан 2:0 ҳисобида ишончли ғалабани қўлга киритди.