Италиялик мутахассис Винченцо Монтелла Жаҳон чемпионати — 2026 гуруҳ босқичининг биринчи туридан ўрин олган Австралия миллий жамоасига қарши баҳс олдидан баёнот берди.

«Жамоада ҳаяжон бор, аммо биз ҳаммаси яхши бўлишига ишонамиз. Жаҳон чемпионатида бизни кўплаб синовлар кутмоқда. Биз ушбу турнирдан завқ олишни мақсад қилганмиз. Жамоанинг бу ерда эканлигининг ўзи билан аллақачон фахрланса бўлади. Биз ўзимизнинг энг яхши футболимизни кўрсатишимиз керак», — дея мутахассис оммавий ахборот воситалари вакиллари билан суҳбатда ўз фикрларини билдириб ўтди.

Туркия ва Австралия терма жамоалари ўртасидаги учрашув якшанба, 14 июнь куни бўлиб ўтади. Ўйиннинг бошланиши Тошкент вақти билан соат 09:00 га режалаштирилган.