Italiyalik mutaxassis Vinchenso Montella Jahon chempionati — 2026 guruh bosqichining birinchi turidan o‘rin olgan Avstraliya milliy jamoasiga qarshi bahs oldidan bayonot berdi.
«Jamoada hayajon bor, ammo biz hammasi yaxshi bo‘lishiga ishonamiz. Jahon chempionatida bizni ko‘plab sinovlar kutmoqda. Biz ushbu turnirdan zavq olishni maqsad qilganmiz. Jamoaning bu yerda ekanligining o‘zi bilan allaqachon faxrlansa bo‘ladi. Biz o‘zimizning eng yaxshi futbolimizni ko‘rsatishimiz kerak», — deya mutaxassis ommaviy axborot vositalari vakillari bilan suhbatda o‘z fikrlarini bildirib o‘tdi.
Turkiya va Avstraliya terma jamoalari o‘rtasidagi uchrashuv yakshanba, 14 iyun kuni bo‘lib o‘tadi. O‘yinning boshlanishi Toshkent vaqti bilan soat 09:00 ga rejalashtirilgan.
