«Барселона» ҳимоячиси Пау Кубарси жамоанинг янги аъзоси Энтони Гордон ҳақида фикр билдирди.

«У жуда яхши ўйинчи. Мен уни кўп кузатганман ва диққат билан ўрганганман, чунки жорий мавсумда унга қарши ўйнаганмиз. У жуда универсал ҳужумчи, бўш ҳудудлардан самарали фойдалана олади», — дея Кубарсининг сўзларини келтиради Mundo Deportivo.

«Барселона» 25 ёшли Гордонни ёзги трансфер ойнасида «Ньюкасл»дан 80 миллион евро эвазига сотиб олди. Ўтган клублар мавсумида Гордон барча мусобақаларда 46 та ўйинда иштирок этиб, 17 та гол урди ва 5 та голли узатмани амалга оширди.