Нидерландия терма жамоаси ҳимоячиси Виржил ван Дейк Японияга қарши ўйиндан (2:2) сўнг, ЖЧ-2026 учрашувлари вақтида сув ичиш учун эълон қилинаётган танаффуслар борасида ўз фикрлари билан ўртоқлашди.
«Менимча, сув ичиш учун берилаётган танаффуслар билан боғлиқ вазият жуда қизиқ тус олмоқда. Мен Жаҳон чемпионатининг деярли барча ўйинларини томоша қилдим.
Ва ҳар сафар мана шу тижорий танаффуслар бошланиши менга ёқмади. Ўйинларни телевизор орқали кузатаётган бетараф мухлислар учун ҳам бу унчалик яхши эмас, деб ўйлайман.
Агар ташқарида ҳақиқатан ҳам жуда иссиқ бўлса, бундай танаффуслар ташкил этилиши ёмон эмас, лекин ҳар бир ўйинга индивидуал тарзда ёндашиш керак деб ҳисоблайман.
Назаримда, бу мавзуда етарлича гапирдим, шекилли», – деди Виржил ван Дейк.
